Kart og eigedomsinformasjon

Longyearbyen lokalstyre har digitale kart over Longyearbyen og Longyearbyen planområde.

Det vert produsert ulike temakart, situasjonskart og kartutsnitt på grunnlag av høgde-, vatn-, og vegdata, bygningsdata og eigedomsgrenser frå Matrikkelen, samt plandata og ledningsdata. Vi har også tilgong til blant anna data for kulturminner, skred - og flaumsone.

For bestilling av vektor-data for kulturminner og skred- og flaumsone, så viser vi til tenestane til Riksantikvaren og NVE.

For bestilling av kart eller kartdata (vektor-data), send ei førespurnad med bestilling og fakturaopplysningar til post@lokalstyre.no eller til kartansvarleg jostein.borve.hernes@lokalstyre.no

Bestilling bør som minimum innehalde type bestilling (kartdata, situasjonskart eller naboliste), filformat, kartutsnitt og type kartdata.

Ved bestilling av VA-data skal det også innhentast samtykke frå VA-ansvarleg i Longyearbyen lokalstyre.

Matrikkelføring av eigedom vert utførd på bakgrunn av gjennomførd oppmålingsforretning, sammenslåing av eigedom og seksjonering. Bygningsdelen av matrikkelen vert førd på bakgrunn av informasjon frå byggesak, samt ajourhald etter nykartlegging. Adresser vert førd i matrikkelen av Longyearbyen lokalstyre som adressemyndigheit.

Grunnboka er det offentlege registeret over tinglyste dokumentar for fast eigedom. Les meir om grunnboka her Lenke til et annet nettsted..

For grunnboksutskrift og eigedomsinformasjon sjå Kartverket si løysing Se eiendom Lenke til et annet nettsted.
- Søk på eigedom på Svalbard må skrivast slik “2100-gnr/bnr/fnr”. 2100 er kommunenummeret til Svalbard.

Min Eigedom er ein digital portal som gjev deg som eigedomshavar i Longyearbyen rask og enkel tilgong til informasjon om eigedomen din.

Logg inn med ID-porten
Du loggar deg inn via ID-porten og får tilgong på opplysningar om eigedomsinformasjon og kommunale tenester knytt til din eigedom.

Logg inn her: Min Eigedom Lenke til et annet nettsted, åpnes i nytt vindu.

Om tenesta
Min Eigedom gjev deg innsyn i informasjon om adresse, bygg, eigedomsareal, eigedomsforhold, heftelsar, kommunale avgifter, eigedomsskatt, forbruk o.l knytt til vatn og avlaup, renovasjon og evt. brannførebygging.

No kan du registrere opplysningar om din eigedom
Frå 09.02.26 kan eigarar og festarar av bustad og fritidsbustad eigenregistrere opplysningar i Eigedomsregisteret, også kjend som Matrikkelen.

Alle eigarar og festarar av bustad eller fritidsbustad kan no sjølv registrere enkelte opplysningar i Eigedomsregisteret hos Kartverket.

Eigedomsregisteret er det nasjonale registeret over norske eigedomar. Her finn du informasjon om grenser, bygningar, adresser og eigarforhold. Innanfor Longyearbyen planområde er det Longyearbyen lokalstyre som er lokal førar av Eigedomsregisteret, også kalla matrikkelfører.

Kvifor er dette viktig?
Opplysningar frå Eigedomsregisteret blir brukt dagleg av privatpersonar, næringsliv og offentlege myndigheiter. Longyearbyen lokalstyre registrerer opplysningar i Eigedomsregisteret som ein del av sitt arbeid. Fordi rutinane har variert over tid, kan enkelte data mangle eller vere utdaterte. No kan du som eigar eller festar gjere ein forskjell: Ved å oppdatere opplysningar om din bustad eller fritidsbustad, bidreg du til å sikre at dei er riktige. Det kan gi deg meir riktig vilkår ved lån, forsikring, skatt og avgift. Vidare får blant anna naudetatar, planleggarar og andre aktørar betre grunnlag for sine avgjerder. Det kjem både deg og lokalsamfunnet til gode.

Slik gjer du det
Du kan registrere byggeår, vatn, avløp, energi, oppvarming og bruksareal. Opplysningane kan du finne i salsoppgåver, vedtak og takstrapportar, eller du kan bruke din kjennskap til bustaden. Eigenregistreringa er frivillig og føregjeng via ei sikker sjølvbeteningsløysing utvikla av Kartverket. Du vil ikkje bli bedt om å laste opp dokumentasjon.

1. Gå til Eigedomsregisteret hos Kartverket: https://eiendomsregisteret.kartverket.no/ Lenke til et annet nettsted.
2. Logg deg inn med ID-porten og sjekk opplysningane som er registrerte frå før
3. Registrer det du meiner er riktig
4. Oppdater dine tidlegare registrerte opplysningar om noko endrar seg

Opplysningane som du registrerer, vil ikkje overskrive det som allereie er lagt inn av Longyearbyen lokalstyre, som er lokal matrikkelfører. Dei blir viste parallelt med øvrige eigedomsopplysningar og kan brukast av offentlege og private verksemder.

Kven kontakter du ved spørsmål?
Om du har spørsmål om innlogging eller praktisk gjennomføring, kan du kontakte Kartverket her Lenke til et annet nettsted.. Oppdagar du feil eller manglar i offentleg registrerte opplysningar om eigedomen din, må du kontakte Longyearbyen lokalstyre for å få det retta.

For meir informasjon, sjå https://mineiendom.kartverket.no/kom-i-gang Lenke til et annet nettsted..

Dei fleste adressenamna i Longyearbyen er bygd opp etter nummereringsprinsippa frå gruvegongane/gruvestollane. Desse adressenamna har nemninga "Vei" etterfulgt av eit nummer som representerer ein bestemd vegstrekning, til dømes Vei 500 - som er ein av hovudvegane, og kor Vei 505 er ein sideveg til Vei 500. Sidevegane er tildelt vegnummer i stigande rekkefølgje langs hovudvegen. Dette systemet gjer at det kan bli litt rot når det kjem nye vegar mellom eksisterande sidevegar, til dømes i Vei 232.

Hytteområdene er tildelt "normale" adressenamn, som til dømes Breinosfoten og Revneset.

Adressenummer skal i hovudsak tildelast alle adresseverdige bygg, kor det er hovudinngongen/-ane eller felles tilkomstpunkt (trapp, svalgong..) som får tildelt adressenummer. Det normale prinsippet for tildeling av adressenummer er at det vert tildelt adressenummer i stigande rekkefølgje med partal på venstre side av vegen, og oddetal på høgre side. I Longyearbyen vil du likevel finna fleire stadar kor det er gjort omvendt, men som hovudprinsipp vert alle adresseendringar eller nytildelingar utførd etter normalprinsippet.

Nokre adresseobjekt nyttar også brukseiningsnummeret som identifikasjon. Dette gjeld dei bueiningane som er adressert med felles adressenummer, til dømes der det er fleire bueining med felles tilkomst. Dette er typisk i større leilegheitskompleks eller der det er trappetilkomst med svalgong. Brukseiningsnummeret er bygd opp slik "H0101", kor H01 er etasjenummeret, og den etterfulgte 01 er løpenummeret. Løpenummer skal tildelast i stigande rekkefølgje, med start frå den fyrste bueininga på venstre hand når ein står ved felles tilkomstpunkt, og vidare nummerering medsols. Tredje bueining frå venstre i 4 etasje får difor brukseiningsnummer H0403.

Den offisielle adressa til ei bueining er bygd opp av adressenamn + adressenummer + evt. brukseiningsnummer. Til dømes Vei 225 8 eller Vei 505 3 H0101.

Den offisielle skrivemåte for adresser er med mellomrom mellom adressenamn og adressenummer, der adressenamnet "Vei 227" og adressenummeret "1", då skal skrivast slik: Vei 227 1. Det offisielle systemet brukar ikkje 0 foran tal under 10. Dersom det er bokstav i adressa skal bokstaven skrivast med mellom etter adressenummeret, slik som dette: 1 A.

Bruk vårt publikumskart LYBKart Lenke til et annet nettsted, åpnes i nytt vindu. for å søka opp adresser. TopoSvalbard vert ikkje synkronisert direkte med den nasjonale adressebasen, og adresser der kan til tider vera feil.